Golovkınniń bapkeri Alvares neshinshi raýndta nokaýtqa ketetinin aıtty
ASTANA. QazAqparat - Qazaqstandyq Gennadıı Golovkınniń jattyqtyrýshysy Abel Sanches boksshynyń meksıkalyq Saýl Alvares «Kanelomen» yqtımaldy jekpe-jegine qatysty pikirin bildirdi.
Bul týraly Boxingscene.com jazdy, dep habarlaıdy QazAqparat.
«Bul shynymen de úlken jekpe-jek bolatynyna úmittimin. Sebebi Kanelo myqty sportshy. Ol WBC ataǵyn Dúnıejúzilik boks keńesi ony Golovkınmen dál qazir judyryqtasýǵa mindettegisi kelgendikten ǵana bosatty. Biraq kelesi jyly ol boksshy retinde ósetinine jáne bul jekpe-jek ol úshin tıimdi bolatynyna senimdimin. Degenmen ol 12 raýndtan ári aspaıdy. Menińshe, 8-9 raýn bolady. Óıtkeni meniń Golovkınim myqty», - dep atap ótti Sanches.
Golovkın men Kanelonyń promoýterleri Tom Leffler men Oskar de la Hoıdyń arasynda jekpe-jekti kelesi jyldyń qyrkúıeginde ótkizý týraly aýyzsha kelisim bar. Biraq Kanelonyń jaraqatyna baılanysty ol 2018 jylǵa ysyrylýy múmkin.
