Golovkınniń babynda bolǵan kezi ótip ketti - The Ring

ASTANA. QazAqparat - The Ring jýrnalynyń bas redaktory Dýglas Fısher Dougies Friday Mailbag aıdarynda qazaqstandyq bylǵary qolǵap sheberi Gennadıı Golovkın (37-0-1, 33 KO) týraly pikir aıtty, dep jazady Sports.kz.

«Menińshe, Golovkın eń babynda bolǵan kezi 2013 -2014 jyldary boldy. Bylǵary qolǵap sheberi retindegi bıikke 2015 jyly jetti. Byltyrǵy «Kanelo» sol GGG-men judyryqtasa alar ma edi? Bálkim. Iá, Golovkın oǵan byltyrǵyǵa qaraǵanda qarqyndyraq shabýyl jasar edi, biraq ondaı shabýyldar meksıkalyqtyń zor qarsy soqqylaryna sebep bolýy da múmkin edi. Qazirgi «Kanelo» Golovkın 2013-2015 jyldary judyryqtasqan boksshylardyń qaı-qaısysynan da bolsyn artyq (biraq budan olar «ekinshi deńgeıli» boksshylar edi degen uǵym týmaıdy). Menińshe, Golovkın 2017 jyly «Kanelony» jeńgen edi, demek jastaý kúninde de meksıkalyqty utatyn edi. Biraq ol aıqas, eger Golovkın tynymsyz shabýylmen, keýde tusyna bergen soqqylarymen qysym jasaǵanda, basqasha bolar edi. Jekpe-jek nokaýtpen aıaqtalǵanda da ol birjaqty bolýy ekitalaı edi», - dep jazady Fısher.