Golovkınniń Astanadaǵy jekpe-jegi úlken qarajat talap etedi - GGG menedjeri
ASTANA. QazAqparat - Qazaqstandyq boksshy Gennadıı Golovkınniń jekpe-jegin Astanada uıymdastyrý úlken qarajat talap etedi, dep esepteıdi GGG menedjeri Oleg German.
"Shyn máninde Astanada jekpe-jek jasaý úshin úlken qarajat jumsaýǵa týra keledi. Búkil álemge taratatyn sıgnaldy jasaýdyń ózine qyrýar qarjy ketedi. Bul kóp aqsha. Gennadıı Golovkınmen jumys isteıtin HBO telearnasy da qyzyǵýshylyq tanytýda, degenmen olarǵa bizdiń tarapymyzdan nemese uıymdastyrýshylar tarapynan barlyǵy joǵary deńgeıde uıymdastyrylatynyna kepildik berilýi tıis", - deıdi ol Astanada ótken baspasóz máslıhatynda.
Onyń aıtýynsha, Qazaqstannyń múmkindikterin saralap, sondaı deńgeıdegi jekpe-jekti uıymdastyrýǵa bolady.
"Bul - elimizge úlken bedel ákeledi. Keremet jekpe-jek jasap jiberýge bolady, sebebi Qazaqstannyń múmkindikteri bar", - dep atap ótti O. German.
