Golovkınniń áleýetti qarsylasy sharshy alańda jeńiske jetti
ASTANA. QazAqparat - Qazaqstandyq sportshy Gennadıı Golovkınniń áleýetti qarsylasy nokaýtpen jeńiske jetti. Nıý-Iorkte «Madison Square Garden» arenasynda Gennadıı Golovkındi jekpe-jekke shaqyrǵan «WBO» nusqasy boıynsha birinshi orta salmaqtaǵy álem chempıony 28 jastaǵy amerıkalyq Terens Kroýford pen 32 jastaǵy Henk Landı kezdesti, dep habarlady sports.kz.
Landı jekpe-jekti jaqsy bastady, alaıda ekinshi kezeńnen Kroýford sharshy alańda basymdyq tanyta bastady. Ol ara-qashyqtyqty baqylap, aýyr soqqylar jasady.
Besinshi kezeńde Kroýford Landıdi nokdaýnǵa jiberdi, alaıda ol turdy. Kroýford taǵy bir soqqy jasaǵanda tóreshi jekpe-jekti toqtatty.
