Golovkınniń 4 salmaq sanatyndaǵy álem chempıonymen aıqasýy múmkin be
NUR-SULTAN. QazAqparat - Boxingnews24.com sarapshysy Allan Foks tórt salmaq sanatyndaǵy burynǵy álem chempıony Edrıen Bronerdiń qazaqstandyq boksshy Gennadıı Golovkınmen ótkizýi múmkin aıqas týraly pikir bildirdi, dep habarlaıdy QazAqparat Sports.kz-ke silteme jasap.
Broner Instagramdaǵy paraqshasynda Golovkındi jáne Saýl Alvaresti 155 fýnt sanatynda aıqas ótkizýge shaqyrǵan.
«Broner óziniń Golovkın men «Kanelony» jekpe-jekke shaqyrǵandaǵy túrin jankúıerler qalaı qabyldaıtynyn bilmeıtin sııaqty. Jurt onyń bul tirligin bokstan birjola keter aldynda qyrýar aqsha tapqysy kelgenniń isi dep qabyldaıdy. Golovkın nemese Alvarespen jekpe-jek ótkizse aqshaǵa kómiletini belgili. Biraq GGG de, «Kanelo» da Bronerge ýaqyt jumsaǵysy kelmeıdi. Óıtkeni qazir Bronerdiń birde-bir salmaq sanatynda bedeli joq», - deıdi Foks.
