Golovkınniń 2022 jylǵy qarsylastarynyń esimderi ataldy

NUR-SULTAN. QazAqparat - The Ring jýrnalısi jáne The Neutral Corner podkastynyń avtory Maıkl Montero orta salmaqtaǵy IBF/IBO álem chempıony Gennadıı Golovkınniń osy jyly rıngte kimmen aıqasatynyna boljam jasady, dep habarlaıdy QazAqparat Sports.kz-ke silteme jasap.

Montero ESPN Ringside-tyń Týıtterdegi jazbasyna pikir bildirdi. Onda qazaqstandyq Djermall Charlo (WBC), Demetrıýs Andrade (WBO) jáne Rıota Mýrata (WBA Super), sondaı-aq Haıme Mýngııa jáne kishi Krıs ıÝbenk sııaqty álemdegi orta salmaqtaǵy úzdik boksshylarmen bir deńgeıde kórsetilgen.

«GGG jyl sońyna deıin tómengi qatardaǵy úsh boksshynyń ekeýimen (Mýrata jáne Mýngııa) kezdesetin shyǵar», - dep jazdy Maıkl.

Eske salaıyq, Gennadıı Golovkınniń Rıota Mýratamen aıqasy 2021 jyldyń 29 jeltoqsanynda Saıtamda ótýi kerek edi, biraq Japonııada koronavırýs shekteýleriniń kúsheıtilýine baılanysty 2022 jyldyń kóktemine aýystyryldy. Jekpe-jektiń naqty kúni ázirge belgisiz.