Golovkınmen judyryqtasatyn bir ǵana úmitker qaldy

NUR-SULTAN. QazAqparat - Maýsym aıynda qazaqstandyq boksshy Gennadıı Golovkın (38-1-1, 34 KO) DAZN strımıngtik platformasynda aıqasqa shyǵady dep kútilýde, alaıda onyń qarsylasynyń kim ekeni áli belgisiz, dep habarlaıdy QazAqparat Sports.kz silteme jasap.

Degenmen, Gennadıımen judyryqtasýy múmkin eki sportshy bar edi: onyń bireýi - «Pretendent» sporttyq realıtı-shoýynyń jeńimpazy, amerıkalyq Brendon Adams (21-2, 13 KO) bolsa, ekinshisi - WBA jáne WBC reıtıngterinde Golovkınnen keıin turǵan polshalyq boksshy Kamıl Sheremeta (19-0, 4 KO).

Aıta ketý kerek, bulardyń bireýi úmitkerler tiziminen syzylyp qaldy - Kamıl Sheremetaǵa WBC «ýaqytsha» chempıony Djermall Charlodan (28-0, 21 KO) usynys tústi, alaıda ol mundaı úlken jekpe-jekterge daıyn emes. Bunyń sebebi - Sheremetanyń jattyqtyrýshysy Fedor Lıapın óziniń qaramaǵyndaǵy taǵy bir boksshy Kshıshtof Glovatskıdiń (31-1, 19 KO) daıyndyǵyna kóbirek kóńil bólýge májbúr. Óıtkeni ony da maýsym aıynda latvııalyq Maırıs Brıedıspen (25-1, 18 KO) tıtýldyq jekpe-jek kútip tur.

Demek, «mıllıard dollarlyq jobada» Gennadıı Golovkınmen aıqasatyn jalǵyz úmitker - Brendon Adams. Amerıkalyq boksshynyń sózine sensek, ol GGG-men qýana-qýana bokstasady. Ol tipti jankúıerlerine «nokaýtqa túspeýge tyrysam» dep ýáde de berip qoıdy.