Golovkınmen urysqa basty úmitker qarsylasyn birinshi raýndta nokaýtqa jiberdi
ASTANA. 4 tamyz. QazAqparat - Amerıkandyq boksshy Kertıs Stıvens kásibı rıngte kezekti jeńiske jetti, dep habarlady Boxingscene.
Bul joly ol meksıkandyq Saýl Romanmen kezdesti, dep habarlady Vesti.kz.
Stıvenstiń qarsylasy rıngte bir raýnd ta tura almady. Stıvens meksıkandyqty kermege qýyp tyǵyp, qýatty soqqymen rıng tósenishine sulatty.
Eske sala keteıik, shildeniń sońynda Stıvens qazaqstandyq boksshy, WBA nusqasyndaǵy álem chempıony Gennadıı Golovkınmen kezdesýi múmkin dep habarlandy. Jekpe-jekke daıyndyq jónindegi aqparatty qazaqstandyq boksshynyń promoýteri Tom Lefter de qýattady.
«Kertıs Stıvenstiń Golovkındi jekpe-jekke shaqyrǵanyn bilemin, alaıda bul urysty onyń promoýteri Ketı Dýva qalaı kóretini belgisiz», - dedi Lefter. Atap óteıik, Stıvens Brýklınde týǵan, al qazaqstandyq boksshynyń kezekti jekpe-jegi 2 qarashada Nıý-Iorkte ótpek. Bul derek te kezdesýdi uıymdastyrýǵa qosymsha dáıek bolmaq, óıtkeni bul kezdesýge kórermender tarapynan qyzyǵýshylyq úlken ekeni sózsiz.
