Golovkınmen kezdesýden úmitker kishi Chaves Reıesti jeńdi
ASTANA. QazAqparat - El-Pasoda (AQSh,Tehas shtaty) orta salmaqtaǵy burynǵy álem chempıony 29 jastaǵy meksıkalyq kishi Hýlıo Sezar Chaves 27 jastaǵy Markos Reıespen 10 raýndtyq jekpe-jekte jeńiske jetti, dep habarlady ports.kz.
Eske salaıyq, Reıes orta salmaqta básekelesedi, al jekpe-jek ekinshi orta salmaqta ótýi tıis edi, alaıda salmaq 2 ret kóterildi (aldymen 169 deıin, keıin 170 fýntqa deıin), báribir kishi Chavestiń salmaǵy 170,8 fýnt (77,5 kg) boldy. Sondyqtan bolar, jekpe-jekte ol qarsylasynan eki salmaq dárejesinde joǵary kórindi. Statıstıkaǵa qaraǵanda, Reıes kóbirek soqqy jasaǵan, alaıda Chavestiń salmaǵynyń artyqshylyǵy kezdesý qorytyndysyna áser etti. Onyń soqqylary aýyrlaý boldy.
