Golovkınmen kezdesýden keıin ózime degen senim arta tústi - Martın Mıýrreı
ASTANA. QazAqparat - Brıtanııalyq boksshy Martın Mıýrreı IBF/IBO/WBA/WBC nusqalary boıynsha orta salmaqtaǵy álem chempıony qazaqstandyq Gennadıı Golovkınmen kezdesýi onyń ózine degen senimin arttyra túskenin aıtty, dep habarlady «Chempıonat.com».
«Tórt ret tıtýlǵa bir qadam jetpeı qaldym. Alaıda men jetken jetistikterimmen toqtamaı, boksshy retinde ári qaraı damımyn. Gennadıı Golovkınmen sharshy alańda kezdeesýim ózime degen senimdi arttyryp, oń áser etti. Jattyǵý jumystaryn jalǵastyryp, álem chempıony ataný úshin qoldan kelgenin jasaımyn», - degen Mıýrreıdiń sózderin Boxing News 24 keltirdi.
Atap ótý kerek, Golovkın men Mıýrreı 2015 jyldyń aqpanynda kezdesken. Onda qazaqstandyq brıtanııalyqty 11-shy raýndta nokaýtqa jiberdi. Sonymen qatar, bul kezdesýde qazaqstandyq Mıýrreıdi tórtinshi raýndta eki ret jáne toǵyzynshy kezeńde bir ret nokdaýnǵa jibergen, dep habarlady Vesti.kz.
