Golovkınmen kezdesý úshin qoıylǵan shart Sonderstiń kóńilinen shyqty

ASTANA. QazAqparat - Qazaqstandyq boksshy Gennadıı Golovkınniń (37-0, 33 KO) promoýteri Tom Leffler usynǵan shart brıtanııalyq boksshy Bıllı Djo Sonderstiń (24-0, 12 KO) kóńilinen shyqty, dep habarlaıdy Sports.kz.

«Meniń bárine kóńilim toldy. Bizdiń barlyǵymyz da kiristiń ádil bólingenin qalaımyz. Men jeńsem senimdi túrde jeńgim keledi. Mendegi qujatta revansh týraly bap joq, Genada ol bar. Basqasha aıtqanda maǵan bári de unady. Endi kiriseıik»,-dedi Sonders.

Golovkın-Sonders kezdesýi Astanada shilde aıynda ótedi dep kútilýde. Kezdesý ótetin balamaly oryn retinde London ataldy.