Golovkınmen qarymta kezdesý: VADA «Kanelony» bir aıda 20 ret tekserýden ótkizgen
ASTANA. QazAqparat - Meksıkalyq boksshy Saýl Alvares Gennadıı Golovkınmen ótetin jekpe-jekke daıyndyq barysynda oǵan Dúnıjúzilik antıdopıngtik agenttik ókilderiniń qansha márte kelgeni týraly aıtty, dep habarlaıdy Sports.kz
«Alvarestiń baǵamdaýynsha, VADA sońǵy aı ishinde boksshyny shamamen 15-20 ret tekseristen ótkizgen», - dep jazady Los Angeles Times gazetiniń jýrnalısi Dılan Ernandes.
Eske salaıyq, aqpan aıynda «Kanelo» klenbýterolǵa jasalǵan dopıng-synamadan eki ret ótpeı qalyp, jarty jylǵa bokstan shettetilgen edi. Saldarynan boksshynyń 5 mamyrǵa Golovkınmen josparlanǵan qarymta kezdesýi bolmaı qaldy.
Degenmen, boksshylar 15 qyrkúıekte qaıta kezdesetin boldy. Ol ýaqytqa deıin meksıkalyq sportshynyń jarysqa qatysý quqyǵy qaıtarylatyn bolady. Dıskvalıfıkatsııalaý merzimi 17 tamyzda aıaqtalady.
