Golovkınmen aıqasta Brýk 6 raýndqa ǵana tótep bere alady - Martın Mıýrreı
ASTANA. QazAqparat - Brıtandyq bokshy Martın Mıýrreı orta salmaqtaǵy álemniń úzdik boksshysy qazaqstandyq Gennadıı Golovkınmen jekpe-jekte otandasy Kell Brýk eń kóp degende oǵan alty raýnd qana tótep bere alady dep sanaıdy, dep habarlady Allboxing.ru.
«Kell úshin bul tym batyl qadam, - dedi Mıýrreı. - Golovkınniń deńgeıi joǵary. Brýk tereń sýdy tańdady, onyń júzip ótýi neǵaıbyl. Kell men sııaqty onyń soqqysyna tótep bere alady dep oılamaımyn. Al raýndqa shydaýy múmkin. Golovkınmen rıngke shyǵýdyń qalaı ekenin men bilemin. Býrktiń taımıngi, qashyqtyqty sezýi jaqsy. Alaıda Golovkınniń deńgeıi múldem basqa. Ol basqa lıgada, tipti «Kanelo» da ony jeńe almaıdy».
33 jastaǵy brıtandyqtyń ózindik rekordy bar - ol WBA (Super), WBC, IBF jáne IBO chempıony qazaqstandyqqa qarsy jekpe-jekte 11 raýndqa deıin shydap, barynsha tabandylyq kórsetken.
Eske salsaq, Golovkın-Brýk jekpe-jegi 10 qyrkúıekte Londonda 02 arenasynda ótedi. Tikeleı efırde «Qazaqstan» jáne Kazsport arnalary kórsetedi. Astana ýaqyty boıynsha saǵat 23.00-de bastalady.
