Golovkınge jaqsy usynystar túsip jatyr - Tom Leffler

ASTANA. QazAqparat - Qazaqstandyq boksshy Gennadıı Golovkınniń promoýteri Tom Leffler oǵan meksıkalyq Saýl Alvarestiń promoýteri Oskar de la Hoııanyń habarlasyp, aıqas usynǵanyn aıtty, dep habarlaıdy Sports.kz.

«Davıd Leme sátsiz aryqtady. Eger Leme keshtiń basty oqıǵasynda aıqasatyn bolsa, olarǵa keıin taǵy aıqas uıymdastyrady. Golden Boy men DAZN bul ıdeıany belsendi túrde qoldady. Biraq, maǵan kenetten Erık Gomes habarlasyp, «GGG «Kanelomen» mamyrda aıqasqysy kele me?» dep surady. Men oǵan ázirge Golovkınniń ne isteıtinin josparlamaǵanyn aıttym. Sebebi, ol aldymen telearna boıynsha máseleni sheship, sodan keıin ǵana kimmen aıqasatynyn naqtylaýy kerek. Gennadıı óz qalpynda, ol óz taǵdyryn baqylaýda ustap otyr. Oǵan jasalǵan jaqsy usynystar bar», - dedi Leffler.

Golovkın rıngke kóktemde - sáýirde nemese mamyrda oralýy múmkin, alaıda onyń qarsylasy ázirge belgisiz.