Golovkınge tólenetin gonorar mólsheri Gıldiń gonararynan 150 000 dollarǵa artyq
ASTANA. QazAqparat - Avstralııalyq Denıel Gılmen (30-2, 16 KO) jekpe-jekke shyqqany úshin WBA (Super) jáne IBO nusqasy boıynsha orta salmaqtaǵy bokstan álem chempıony qazaqstandyq bylǵary qolǵap sheberi Golovkınge (29-0, 26 KO) tólenetin gonorar kólemi belgili boldy.
Nıý-Iork shtatynyń atletıkalyq komıssııasy jarııalaǵan derekterge sáıkes, Gennadıı Golovkınniń gonorary 750 000 dollardy quraıtyn bolady. Bul onyń qarsylasynyń gonorarynan 150 000 dollarǵa kóp.
Esterińizge sala keteıik, Gennadıı Golovkın men Denıel Gıl arasyndaǵy kezdesý 26 shildede Nıý-Iork qalasynyń Madison Square Garden arenasynda ótedi. Jekpe-jek Astana ýaqyty boıynsha 27 shildede 08:00-de bastalady jáne «Qazaqstan» men «KazSport» telearnalarynan kórsetiledi.
