Golovkınge Sonderspen bokstasqan durys - Ermahan Ybyraıymov
ASTANA. QazAqparat - Olımpıada chempıony Ermahan Ybyraıymov Golovkın - Alvares revanshyn ótkizbeýge qatysty pikir bildirdi, dep habarlaıdy QazAqparat tilshisi.
«Alvareske qarsy jekpe-jek bolmasa, ókinýdiń qajeti joq. Basqa da boksshylar bar ǵoı. Menińshe, sol basqa bokshylarmen kelisip, bokstasa berý kerek. Máselen, brıtandyq Bıllı Djo Sonderspen kezdesýge bolady. Sebebi onyń enshisinde WBO belbeýi bar. Odan keıin Alvarspen judyryqtasý qajet», - dedi E.Ybyraıymov QazAqparat tilshisine bergen suhbatynda.
Aıta keteıik, Golden Boy Promotions promoýterlik kompanııasy qazaqstandyq Gennadıı Golovkınmen (37-0-1, 33 KO) ekinshi aıqastyń ótpeıtindigin resmı túrde jarııalady.
Gennadıı Golovkınniń promoýteri Tom Leffler bolsa, 5 mamyrda brıtandyq Bıllı Djo Sonderspen (26-0, 12 KO) jekpe-jekti uıymdastyra almaıtynyn jetkizdi. Sebebi atalǵan boksshy jaraqat alyp qaldy. Sonderstiń ózi de mamyrǵa deıin daıyn bolmaıtynyn jarııalady. Ol qyrkúıek aıynda kezdesýge usynys jasap otyr. Dennıel Djeıkobs te bos emes.
Sarapshylardyń aıtýynsha, Golovkınmen úsh úmitkerdiń bireýi judyryqtasýy ábden múmkin. Olar - Gerı O Salıvan ( 27-2, 19 KO), Demetrıýs Andrade (25-0, 16 KO) jáne Sergeı Derevıanchenko (12-0, 10 KO).
