Golovkınge resmı túrde kelesi qarsylasy belgilendi

NUR-SULTAN. QazAqparat – Gennadıı Golovkınniń (40-1-1, 35 KO) teń promoýteri Eddı Hırn Halyqaralyq boks federatsııasynyń (IBF) qazaqstandyq boksshyny orta salmaqtaǵy álem chempıony belbeýin qorǵaýǵa mindettegenin aıtty, dep habarlaıdy Sports.kz.

Golovkınniń kelesi qarsylasy eshqashan jeńilip kórmegen polıak boksshysy Kamıl Sheremeta (21-0, 5 KO) bolmaq. Aıqas aqpanda (jumys kúnderi – 8-i nemese 29-y), Chıkagodaǵy (AQSh) Wintrust Arena-da ótýi tıis.

Eske salaıyq, Golovkın IBF belbeýin 5 qazanda tóreshilerdiń sheshimimen ýkraınalyq Sergeı Derevıanchenkony (13-2, 10 KO) jeńgeni úshin ıelendi. Sondaı-aq, Gennadııge IBO tujyrymy boıynsha bos turǵan álem chempıony belbeýi de berildi.