Golovkınge «P4P chempıony» belbeýi beriledi

ASTANA. QazAqparat - Boksqa mamandanǵan belgili basylym The Ring qazaqstandyq bylǵary qolǵap sheberi Gennadıı Golovkınge arnaıy belbeý daıyndady, dep habarlaıdy QazAqparat Sports.kz-ke silteme jasap.

Sońǵy ret byltyr qyrkúıek aıynda meksıkalyq Saýl Alvareske qarsy sharshy alańǵa shyǵyp, teń túsken Gennadıı qazirgi kezde salmaq sanatynan tys álemniń úzdik boksshylary reıtınginde kósh bastap tur.  

Ol kelesi jekpe-jegin taǵy da Saýl Alvareske qarsy 5 mamyrda ótkizedi.

ESNews-tiń habarlaýynsha, qazaqstandyqtyń promoýteri Tom Leffler men The Ring arnaıy syılyqty 24 aqpanda ótetin Superfly 2 boks keshiniń baspasóz máslıhatynda tanystyrmaq.