Golovkınge qarsylas atanýǵa úmitkerdiń esimi ataldy
ASTANA. 5 qarasha. QazAqparat - WBA nusqasy boıynsha orta salmaqtaǵy álem chempıony qazaqstandyq Gennadıı Golovkınniń bolashaq qarsylasy atanýǵa úmitkerdiń esimi anyqtaldy.
Bul týraly Vesti.kz saıtynan habarlady.
Qazaqstandyq boksshynyń kelesi qarsylasy 12 jeltoqsan kúni Avstralııada ótetin WBA ýaqytsha chempıony brıtandyq Martın Mıýrreı men avstralııalyq Gerz Výd arasyndaǵy jekpe-jektiń jeńimpazy bolýy múmkin. Eger osy kezdesýdiń jeńimpazy Golovkınmen judyryqtasýǵa daıyn bolmasa, ony WBO nusqasy boıynsha álemniń eks-chempıony Hassan N'dam N'jıkam almastyrýy yqtımal.
HBO telearnasy tańdalǵan qarsylastyń deńgeıine baılanysty jekpe-jekti kórsetetinin málimdedi.
