Golovkınge qarsy revansh ótkizýge qorqamyn - Alvares shirkeýde «shyndyǵyn» aıtty
ASTANA. QazAqparat - Mýltıplıkator Modjahed Fýdalıat boks taqyrybyna arnalǵan kezekti týyndysyn usyndy. Bul joly Fýdalıat meksıkalyq boksshy Saýl Alvarestiń Rım Papasymen kezdesken sátin kórsetip, kenetten Gennadıı Golovkın kelip qalsa, qalaı bolatynyn elestetip kórdi, dep habarlaıdy QazAqparat tilshisi.
Vıdeoda Alvares Rım Papasy Frantsısktiń aldynda tize búgip, batasyn alady. Bir kezde oıda joqta Gennadıı Golovkın «Big drama show» dep shyǵa keledi. Meksıkalyq boksshy birden Papanyń artyna tyǵylady. Sosyn shirkeýge qashyp, din qyzmetshisimen sóılesetin kúrkege kiredi. Sol jerde «táýbege kelip», Golovkınmen revansh ótkizýge qorqatynyn aıtady. Biraq arǵy jaǵynan taǵy da Golovkın shyǵady.
Aıta keteıik, 16 qyrkúıekte eki boksshy arasynda birinshi jekpe-jek ótken bolatyn. Tóreshilerdiń sheshimimen ekeýi de teń tústi. Alaıda tanymal boksshylar men sarapshylar ol sheshimmen kelispeıdi. Sebebi Adelaıda Berd degen tóreshiniń esebi múldem oıǵa qonymsyz bolyp shyqty.
