Golovkınge «Kanelonyń» ornyna basqa úsh qarsylas tabyldy

NUR-SULTAN. QazAqparat – Boxingnews24.com jýrnalısi Maıkl Malashchık meksıkalyq Saýl «Kanelo» Alvarestiń ornyna qazaqstandyq boksshy Gennadıı Golovkın rıngte kimmen kezdesýi múmkin ekenin aıtty, dep habarlaıdy QazAqparat Sports.kz saıtyna silteme jasap.

«Golovkın úshin 160 fýntta úlken aıqastar bar: Djermall Charlo jáne Demetrıýs Andrade. Sonymen qatar ol óziniń jeńister tizimine Haıme Mýngııany da qosa alady», - dedi avtor.

Charlo – WBC nusqasy boıynsha orta salmaqtaǵy álem chempıony. Andrade — WBO chempıony. Golovkınge keler bolsaq, ol da 160 fýnttaǵy eki chempıondyq beldiktiń – IBF jáne IBO ıegeri. Ázirge Gennadııdiń josparynda jeltoqsanǵa ótetin Rıota Mýratamen bolatyn jekpe-jek qana.