Golovkındi jeńý úshin Gerakldyń kúshi kerek- Amerıkalyq BAQ

ASTANA. QazAqparat - Nıý-Iorktiń El Paso Times basylymy salmaq sanatynan tys álemniń úzdik boksshylarynyń reıtıngin (pound-for-pound) jarııalady, dep habarlaıdy Sports.kz.

Reıtıng basynda orta salmaqta WBA Super, WBC jáne IBO nusqalary boıynsha álem chempıony, qazaqstandyq bylǵary qolǵap sheberi Gennadıı Golovkın (38-0-1, 34 KO) tur.

«Bıylǵy tártipsizdikterge GGG-diń túk qatysy joq, ol óz dıvızıonynyń, jalpy sporttyń asqar taýy bolyp qala bermek. 36 jastaǵy Golovkın týraly qalaǵanyńyzdy aıtyńyz, biraq ony jeńý úshin Gerakldyń kúshi kerek», - dep jazady saıt.

15 qyrkúıekte Golovkın meksıkalyq Saýl Alvarespen ekinshi kezdesýin ótkizedi. Jekpe-jek Las-Vegastaǵy T-Mobile Arena-da bolady.

El Paso Times basylymy usynǵan P4P-reıtıngtiń TOP-10 boksshysy:

1. Gennadıı Golovkın (38-0-1, 34 KO)
2. Vasılıı Lomachenko (11-1, 9 KO)
3. Terens Kroýford (33-0, 24 KO).
4. Maıkı Garsııa (39-0, 30 KO)
5. Errol Spens (24-0, 21 KO)
6. Saýl Alvares (49-1-2, 34 KO)
7. Srısaket Sor Rýngvısaı (46-4-1, 41 KO)
8. Naoıa Inoýe (16-0, 14 KO)
9. Aleksandr Ýsık (15-0, 11 KO)
10. Entonı Djoshýa (21-0, 20 KO)