Golovkındi jekpe-jekke shaqyrǵan amerıkalyq Eleýsinovtiń promoýterimen kelisimshart jasady

ASTANA. QazAqparat - Birinshi orta salmaqtaǵy burynǵy álem chempıony, amerıkalyq Demetrıýs Andreıd (25-0, 16 KO) brıtandyq promoýter Eddı Hırnmen kelisimshartqa qol qoıdy, dep habarlaıdy sports.kz. 

Andreıdtiń búgingi tańda Matchroom Boxing USA quramynda aıqasatyndyǵy aldaǵy seısenbi kúni resmı jarııalanady, dep jazady BoxingScene.

Amerıkalyq boksshy WBO chempıony Bıllı Djo Sonderspen aıqasqa úmitker bolyp tabylady.

Eske sala ketsek, ol 5 mamyrda  Saýl Alvaresti  dopıng-testke baılanysty  alyp tastaǵannan keıin Gennadıı Golovkındi jekpe-jekke shaqyrǵan edi.

Atap ótken jón, orta salmaqtaǵy qazaqstandyq saıypqyran Danııar Eleýsinov - Eddı Hırnnyń klıentteri biri.