Golovkındi nokaýtqa jiberemiz - «Kanelonyń» promoýteri

ASTANA. QazAqparat - Meksıkalyq boksshy Saýl Alvarestiń promoýteri Oskar de la Hoııa Gennadıı Golovkınge qarsy úshinshi jekpe-jek týraly jańa málimdeme jasady, dep habarlaıdy QazAqparat Sports.kz-ke silteme jasap.

De la Hoııanyń taǵy bir klıenti - Haıme Mýngı birinshi orta salmaqtaǵy álem chempıony tıtýlyn sátti qorǵap shyqqannan keıin tilshiler promoýterden «Kanelo» - GGG yqtımal trılogııasy jóninde surady.

«Sizderdi sendirip aıtamyn, úshinshi jekpe-jek bolady. Bul joly «Kanelo» ony nokaýtqa jiberedi», - dedi Oskar de la Hoııa Houston Chronicle Online Sports jýrnalısine bergen suhbatynda.

Eske sala keteıik, 2017 jyldyń qyrkúıeginde ótken alǵashqy jekpe-jek daýly teń nátıjemen aıaqtalǵan edi. Araǵa týra bir jyl salyp ótkizilgen rematchta tóreshiler jeńisti «Kaneloǵa» berdi.