Golovkındi esh jeńilmegen álem chempıonymen aıqasqa shaqyrdy

ASTANA. QazAqparat - Qazaqstandyq boksshy Gennadıı Golovkınge (38-1-1, 34 KO) WBO nusqasy boıynsha sýper orta salmaqtaǵy álem chempıony meksıkalyq Hılberto Ramırespen (39-0, 25 KO) tıtýl úshin jekpe-jekke shyǵý usynys tústi, dep habarlaıdy Sports.kz.

Ramırestiń bapkeri Ektor Saparı  Golovkınge tezdetip sheshim qabyldaýǵa asyǵýdy, sondaı-aq «Sýrdo» klıenti bolyp tabylatyn ESPN telearnasyna qosylýǵa keńes berdi.

« Eger Golovkın sýper orta salmaqqa kóteriler bolsa, onda Ramıres dıvızıonda taǵy bir shoý ótkizer edi. Meniń oıymsha, bul barlyq jankúıerler úshin óte keremet jekpe-jek bolady»,-dedi Saparı.
Golovkınniń rıngke oralýy aldaǵy jyldyń kóktemine josparlanyp otyr.