Golovkındi Djonsonmen jekpe-jekke shyǵyp, IBF belbeýin qorǵaýǵa mindettedi
ASTANA. QazAqparat - Qazaqstandyq Gennadıı Golovkın sáýir aıynda Bagama araldarynyń ókili Týreano Djonsonmen kezdesip, Halyqaralyq boks federatsııasynyń (IBF) nusqasy boıynsha orta salmaqtaǵy álem chempıony tıtýlyn mindetti túrde qorǵaýy tıis, dep habarlady «R-Sport» agenttigi IBF baspasóz qyzmetine silteme jasap.
WBA (Super), IBO jáne WBC (interim) nusqalary boıynsha chempıon atanǵan Golovkın qazan aıynda ótken óziniń sońǵy kezdesýinde kanadalyq Davıd Lemeni nokaýtqa jiberip, IBF belbeýine ıelendi. Bul 33 jastaǵy qazaqstandyq úshin 34 kezdesýdegi 34-shi jeńis (31 nokaýt) boldy. Osyǵan deıin Golovkın 23 sáýirde Nıý-Iorkte sharshy alańǵa oralatyny jaıly habarlandy.
«Golovkın sáýir aıynda Týreano Djonsonmen jekpe-jekke shyǵyp, IBF belbeýin mindetti túrde qorǵaýy tıis. Bul kezdesý áli kelisilgen joq», - dep málimdedi IBF.
31 jastaǵy IBF belbeýine mindetti úmitker Djonson 19 ret jeńiske jetip (13 nokaýt), bir ret jeńilgen.
