Golovkındi aıqasqa shaqyrǵan Kell Brýk, qarsylasy Kevın Bızeni nokaýtqa túsirdi
ASTANA. QazAqparat - IBF nusqasy boıynsha jartylaı orta salmaqtaǵy álem chempıony brıtandyq boksshy Kell Brýk (36-0, 25 KO) óz tıtýlyn sátti qorǵady.
Sheffıldte (Ulybrıtanııa) Sheffield Arenada ótken basty aıqasta 29 jastaǵy Kell Brýk 31-degi kanadalyq Kevın Bızemen (25-3, 17 KO) kezdesti. Jekpe-jek ekinshi raýndta brıtandyqtyń jeńisimen aıaqtaldy. Ol qarsylasyn sulatyp saldy, dep habarlaıdy Vesti.kz.
Eske sala ketsek, budan buryn Brýk WBA (Super), IBO, WBC (Interim) jáne IBF nusqalary boıynsha orta salmaqtaǵy álem chempıony qazaqstandyq Gennadıı Golovkınmen (34-0, 31 KO) aıqasqa daıyn ekendigin málimdegen bolatyn. Bul úshin ol salmaǵyn kóterýge de ázir.
