Golovkın zilzaladan zardap shekken meksıkalyqtarǵa qansha qarjy bólgeni belgili boldy
ASTANA. QazAqparat - Qazaqstandyq bylǵary qolǵap sheberi Gennadıı Golovkın (37-0-1, 33 KO) Meksıkadaǵy qýatty jer silkinisinen zardap shekken turǵyndarǵa materıaldyq kómek kórsetti, dep habarlaıdy Sports.kz meksıkalyq BAQ-tarǵa silteme jasap.
Basylymnyń málimetterine qaraǵanda, Gennadıı meksıkalyq bıznesmen Karlos Slımniń qoryna 50 000 dollar aýdarǵan. Qordyń ıesi bul qarjyny kóbeıtip, 300 000 dollar tabıǵı apattan zardap shekken otbasylarǵa tikeleı jol tartady.
Eske sala keteıik, 19 qyrkúıek kúni 7,1 baldyq magnıtýdaly jer silkinisi Meksıkanyń ortalyq bóligin oırandap ketken. Basty zalaldy Pýebla, Morelos shtattary, sondaı-aq astana Mehıko qalasynyń aglomeratsııasy kórgen. Málimetterge qaraǵanda, 342 adam qurban bolyp, taǵy 6000-nan astam adam jaraqattanǵan.
