Golovkın jyldyń úzdik 10 boksshysynyń tiziminen tys qaldy

ASTANA. QazAqparat - Reseıdiń «Sovetskıı sport» basylymy 2018 jyldyń úzdik on boksshysynyń tizimin jarııalady. Orta salmaqtyń lıderleri - qazaqstandyq Gennadıı Golovkın men meksıkalyq Saýl Alvares tizimnen tys qaldy, dep habarlaıdy «SPORTINFORM».

«Jyldyń úzdik boksshylaryn atamas buryn, osy tizimge kirmeı qalǵandar týraly aıtsaq. Onyń ishinde Saýl Alvares pen Gennadıı Golovkın bar. Meksıkalyq Golovkındi «jeńe almaı», artynsha osal qarsylaspen aıqas ótkizgendikten osy tizimge engen joq. Al Golovkın Alvaresten jeńilgeni bolmasa, bıyl balaqaı Vanes Martırosıandy jeńýimen ǵana kózge tústi», - dep jazdy basylym.

«Sovetskıı sport» usynǵan TOP-10:

1. Aleksandr Ýsık (Ýkraına)
2. Djosh Ýorrıngton (Ulybrıtanııa)
3. Maıkı Garsııa (AQSh)
4. Vasılıı Lomachenko (Ýkraına)
5. Dıllıan Ýaıt (Ulybrıtanııa)
6. Entonı Djoshýa (Ulybrıtanııa)
7. Denıel Djeıkobs (AQSh)
8. Kallým Smıt (Ulybrıtanııa)
9. Srısaket Sor Rýngvısaı (Taıland)
10. Dmıtrıı Bıvol (Reseı).