Golovkın jýrnalısti jattyqtyrdy
ASTANA. QazAqparat - Qazaqstandyq kásibı boksshy Gennadıı Golovkın (36-0, 33 KO) kezekti jattyǵýy kezinde Youtube-tegi Montero On Boxing arnasynyń avtory, jýrnalıst Maıkl Monteroǵa nazar bóldi, dep habarlaıdy Sports.kz .
Golovkın Monteroǵa moıyn bulshyqetterin kúsheıtý jattyǵýyn jasap kórýdi usyndy.
«Maǵan senseńiz, bul ońaı jattyǵý emes, ásirese boıy uzyn jigitterge qıynǵa soǵady. GGG - aıbarly», - dep jazdy jýrnalıst Týıtterge jarııa etken sýretindegi jazbasynda.
Ol bir apta buryn Golovkınniń aldaǵy jekpe-jegi týraly sholý jasap shyqqan bolatyn.
Eske sala ketsek, Golovkın rıngke 18 naýryzda shyǵady, Nıý-Iorkte amerıkalyq Denıel Djeıkobspen (32-1, 29 KO) aıqasady.
