Golovkın jattyǵý kezinde Groývzdyń qabyrǵasyn syndyrdy
ASTANA. QazAqparat - Orta salmaqta WBA (Super) jáne IBO chempıony Gennadıı Golovkın jattyǵýlardaǵy sparrıngtik kezdesýlerdiń birinde 26 jastaǵy boksshy Djordj Groývzdyń qabyrǵasyn syndyrdy, dep habarlaıdy Allboxing.ru.
«Bunyń aldynda habarlanǵanyndaı, Denıel Gılmen bolatyn jekpe-jektiń qarsańynda Gennadıı Golovkın ekinshi orta salmaqta óner kórsetetin álem chempıony tıtýlynyń burynǵy úmitkeri Djordj Groývzben birge sparrıngke shyǵyp otyrǵan bolatyn. Solardyń birinde Groývzdyń qabyrǵasy syndy», - delinedi habarlamada.
Aıta ketý kerek, 20 qyrkúıekte Groývz WBC nusqasy boıynsha jekpe-jekke shyǵý kerek. Bul jaraqat aldaǵy josparlanǵan kezdesýge qalaı áser etetindigi belgisiz.
27 shilde kúni Nıý-Iorktiń Madison Square Garden arenasynda Astana ýaqyty boıynsha saǵat 08:00-de Gennadıı Golovkın men Denıel Gıl arasynda jekpe-jek ótedi. Tikeleı efırde bul kezdesýdi KazSport pen Qazaqstan telearnalary kórsetedi.
