Golovkın: Jankúıerler qalasa Alvarespen tórtinshi ret judyryqtasýǵa bolady

NUR-SULTAN.QazAqparat - WBA Super, IBF jáne IBO nusqalary boıynsha orta salmaqtaǵy álem chempıony qazaqstandyq Gennadıı Golovkın (42-1-1, 37 KO) burynǵy qarsylasy meksıkalyq Saýl «Kanelo» Alvarespen (57-2-2, 39 KO) tórtinshi ret jekpe-jek ótkizýgede daıyn ekenin aıtty, dep habarlaıdy QazAqparat boxingnews24.com cilteme jasap.

Golovkın óz suhbatynda úshinshi jekpe-jekten keıin kásipqoı mansabyn aıaqtaýǵa asyqpaıtynyn jáne jańa josparlary bar ekenin jetkizdi.

«Men pandemııadan keıin kásibı sportqa qaıta oraldy. Jankúıerler seni qajet etken kezde judyryqtasýymdy jalǵastyrýym kerek. Bul kúnde maǵan kóptegen boksshylar usynystar tastap jatyr. Meıli bul aıqastyń nátıjesi qalaı bolsada, jeńis nemese jeńilis, ıa bolmasa teń nátıje, men jalǵastyra beremin... Meniń jańa josparlarym bar. Eger Alvares meni tórtinshi jekpe-jekke shaqyrsa, jankúıerler qalasa, men árıne qarsy emespin. Mende orta salmaqta úsh chempıondyq beldik bar»-, dedi qazaqstandyq sportshy.

Eske salaıyq, Golovkın-Alvares jekpe-jegi 18 qyrkúıek kúni (Astana ýaqytymen) Las-Vegastyń (SShA) T-Mobile Arena kesheninde ótedi. Qarsylastar búgin jekpe-jek aldynda salmaq ólshedi.

Qazaqstandyqtar boks keshin «Qazaqstan» jáne «Qazsport» telearnalarynan tikeleı efırden kóre alady. Bastalýy – 18 qyrkúıek, saǵat 05:00. Basty aıqas shamamen 08.00-de.