Golovkın jáne Alvares beınesi tańbalanǵan ónimder Las-Vegasta tanymaldylyqqa ıe
ASTANA. QazAqparat - Qazaqstandyq «GGG» Golovkın men meksıkalyq boksshy Saýl «Kanelo» Alvares arasyndaǵy aıqas qarsańynda Amerıkanyń Las-Vegas qalasynyń turǵyndary «ǵasyr jekpe-jeginen» dámeli, dep habarlaıdy «QazAqparat» HAA tilshisi.
«Qylmys qalasy» biraz ýaqytqa qasıetti boks qalasyna aınalyp, qadam basqan saıyn Golovkın men Alvarestiń fotosýreti beınelengen fýtbolkalar, beısbolkalar jáne basqa da kıimderden aıaq alyp júre almaısyń. Saýda oryndarynyń biriniń satýshysynyń aıtýynsha, eki boksshynyń esimi men beınesi beınelengen taýarlar osy kúnderi joǵary tanymaldylyqqa ıe bolyp, jaqsy saýdalanyp jatyr.
Aıta keteıik, Gennadıı «GGG» Golovkın men Saýl «Kanelo» Alvares jekpe-jegi 17 qyrkúıek kúni Las-Vegasta ótedi.
