Golovkın Janar Óteshevany UOK Bas hatshysy qyzmetinen bosatty

ASTANA. KAZINFORM – Qazaqstan Ulttyq olımpıada komıteti Bas hatshysy Janar Óteshovaǵa qatysty resmı málimdeme jasady. 

«Qazaqstan UOK prezıdentiniń buıryǵymen Bas hatshynyń senimhat negizinde berilgen ókilettigi joıyldy. Odan bólek seniminiń joǵalýyna baılanysty J. Óteshevany Bas hatshy retinde Atqarýshy komıtet quramynan shyǵarý máselesi Bas Assambleıa músheleriniń qaraýyna shyǵarylady», - dep jazylǵan habarlamada.

Aıta ketsek, Janar Óteshova 2024 jyldyń aqpan aıynan bastap QR UOK-niń atqarýshy dırektory qyzmetinde boldy. Sondaı-aq qazaqstandyq belgili boksshy jáne uıym basshysy Gennadıı Golovkınniń PR-keńesshisi qyzmetin atqardy. 

Eske sala keteıik, buǵan deıin Gennadıı Golovkınniń 2025 jyly sharshy alańǵa oralýy múmkin ekenin jazǵan edik.