Golovkın World Boxing News usynǵan WBC chempıondar reıtınginde kósh bastap tur
ASTANA. QazAqparat - World Boxing News.net saıty Búkilálemdik boks keńesi (WBC) nusqasy boıynsha álem chempıondary reıtıngin jarııalady, dep habarlaıdy «QazAqparat» HAA Sports.kz-ke silteme jasap.
Reıtıngte birinshi oryndy orta salmaqta WBC beldiginiń ıesi qazaqstandyq boksshy Gennadıı Golovkın (37-0-1, 33 KO) ıelep otyr. «Eshqandaı kúmánsiz, Andre Ýord ketkennen keıin ol álemniń birinshi nómiri. Qazir Golovkın «Kanelo» Alvareske qarsy 2018 jyly ótetin taǵy bir sýperaıqasqa daıyndyq ústinde», - dep jazady basylym.
Ekinshi orynda birinshi jartylaı orta salmaqta WBC chempıony amerıkalyq bylǵary qolǵap sheberi Terens Kroýford (32-0, 23 KO) tur. Onyń jerlesi, jeńil salmaqta óner kórsetetin Maıkı Garsııa (37-0, 30 KO) úshinshi orynǵa ornalasqan.
Al World Boxing News jarııalaǵan WBC chempıondarynyń úzdik ondyǵy tómendegishe:
1. Gennadıı Golovkın (37-0-1, 33 KO)
2. Terens Kroýford (32-0, 23 KO)
3. Maıkı Garsııa (37-0, 30 KO)
4. Kıt Týrman (28-0, 22 KO)
5. Vısaksıl Vangek (44-4-1, 40 KO)
6. Vaenhong Menaıotın (48-0, 17 KO)
7. Deonteı Ýaılder (38-0, 37 KO)
8. Mıgel Berchelt (32-1, 28 KO)
9. Adonıs Stıvenson (29-1, 14 KO)
10. Gerı Rassell (28-1, 17 KO).
