Golovkın WBO nusqasy boıynsha álem chempıonymen aıqasýy múmkin
NUR-SULTAN. QazAqparat - Matchroom Boxing promoýterlik kompanııasynyń basshysy Eddı Hırn orta salmaqtaǵy IBF tujyrymy boıynsha álem chempıony Gennadıı Golovkın men WBO tıtýlynyń ıegeri Demetrıýs Andradeniń jekpe- jegin ótkizýge nıetti, dep habarlaıdy Sports.kz.
«Golovkın men Djaıme Mýngııa - tamasha qarsylastar. Biraq eger Bıllı Djo Saýnders Saýl Alvarespen aıqasqan jaǵdaıda Andrade Golovkınmen kezdesýi kerek dep oılaımyn. Ózderińiz biletindeı, bul orta salmaqtaǵy jekpe-jek, árıne, qyzyqty bolatyndyǵy ras.
Al Demetrıýs Andrade únemi úlken aıqasty izdep júredi. Eger ol Golovkınmen kezdespegen kúnde, Lıam Ýılıamspen jekpe-jekke shyǵady. Aıtpaqshy, bul aıqastyń da jankúıerler kóńilinen shyǵatyndyǵy sózsiz», - dedi Eddı Hırn.
