Golovkın WBO chempıonynan jekpe-jekke resmı usynys aldy

ASTANA. QazAqparat - WBO nusqasy boıynsha orta salmaqtaǵy álem chempıony Demetrıýs Andradeniń promoýteri Eddı Hırn qamqorlyǵyndaǵy boksshy Saýl Alvarespen de, Gennadıı Golovkınmen de aıqasqa daıyn ekendigin aıtty, dep habarlaıdy QazAqparat sports.kz saıtyna silteme jasap.

«Saýl Alvares 11 jekpe-jek ótkizý úshin DAZN, 11 platformasymen kelisimshartqa qol qoıǵan. Sondyqtan Andrademen aıqastan qashyp qutylý múmkin bolmaıdy, ol Andrademen kezdesýi tıis. Sondaı-aq Demetrıýs Gennadıı Golovkınmen de jekpe-jekke daıyn. Bul, Golovkın úshin qaıta álem chempıony ataný úshin jaqsy múmkindik. Sondyqtan oǵan kelisken jaqsy. Bul, jaqsy aıqas bolady», -dedi Eddı Hırn FightHype-tiń YouTube-kanalyna júktelgen suhbatta.

Andrade ótken túnde WBO nusqasy boıynsha orta salmaqtaǵy álem chempıony ataǵyn jeńip aldy. Ol Ýolter Kaýtondokvadan basym tústi.

Eske salaıyq, Gennadıı Golovkınniń (38-1-1, 34 KO) kelesi qarsylasy sanalǵan japon boksshysy Rıota Mýrata (14-1, 11 KO) WBA nusqasy boıynsha orta salmaqtaǵy «turaqty» álem chempıony tıtýlyn qorǵaı almaı qaldy. Jekpe-jek Las-Vegasta (Nevada shtaty, AQSh) amerıkalyq Rob Brantke (23-1, 16 KO) qarsy ótti.