Golovkın WBN-niń «Jyl boksshysy» atanýy múmkin

ASTANA. QazAqparat - Qazaqstandyq bylǵary qolǵap sheberi Gennadıı Golovkın WorldBoxingNews.net brıtanııalyq tanymal saıttyń nusqasy boıynsha 2017 jyldyń úzdik boksshysy ataǵy úshin úmitkerler tizimine endi, dep jazady Sports.kz.

Úmitkerlerdiń tizimi 18 jeltoqsan kúni jarııalanyp, sol kúnnen daýys berý bastalady.

Gennadııden tys, «Jyl boksshysy» ataǵy úshin Saýl Alvares, Terens Kroýford, Vasılıı Lomachenko, Andre Ýord, Maıkı Garsııa, Mıgel Kotto jáne ózge de sportshylar talasatyn bolady.

Eske sala ketsek, GGG óz kásibı mansabynda bul ataqqa úsh ret - 2013, 2014 jáne 2015 jyldary qol jetkizgen bolatyn. Al ótken jyly syılyq Vasılıı Lomachenkoǵa tabystaldy.