Golovkın «WBC» uıymynyń mártebeli syıymen marapattaldy
ASTANA. QazAqparat - Qazaqstandyq kásipqoı boksshy Gennadıı Golovkın Búkilálemdik boks keńesiniń (WBC) Gollıvýdta ótip jatqan 54-shi konventsııasynda arnaıy syımen marapattaldy, dep jazady massaget.kz.
Orta salmaqta WBA (Super), IBO, WBC jáne IBF nusqalary boıynsha álem chempıony ataǵyna ıe otandasymyz álemdegi mereıi ústem boksshy retinde tanylyp otyr. «WBC» arnaıy syıy osyndaı qurmetke ıe boksshyǵa beriledi. Mártebeli marapatty áıgili amerıkalyq boksshy Marvın Hagler tabystady.
Óz kezeginde Gennadıı Golovkın «WBC» uıymynyń jumysyna tabys pen sáttilik tiledi. Atalǵan uıymnyń chempıony ataný úlken qurmet ekenin de tilge tıek etti.
Aıta keteıik, GGG «WBC» uıymynyń jyl qorytyndysy boıynsha eń úzdik boksshysy ataǵyna da usynylǵan bolatyn. Daýys berý uıymnyń resmı saıtynda ótkizilýde.
