Golovkın WBC chempıonymen kezdesýden bas tartýy múmkin
ASTANA. QazAqparat - TALKsport.com portalynyń jýrnalısi Maıkl Benson qazaqstandyq boksshy Gennadıı Golovkınniń orta salmaqta WBC tujyrymy boıynsha ýaqytsha álem chempıony amerıkalyq Djermall Charlomen kezdesý múmkindigi týraly pikirin bólisti, dep habarlaıdy QazAqparat Sports.kz-ke silteme jasap.
«Kezdesýge kedergi bolatyn jaǵdaılar týyndaýy múmkin. Óıtkeni Golovkın mansabyndaǵy alǵashqy jeńilisten keıin erkin agentke aınalyp, bolashaǵyn boljap otyr. Eger 36 jastaǵy boksshy Showtime-men kelisimshartqa otyrsa, Charlomen kezdesý uıymdastyrý op-ońaı bolady. Eger basqa joldy tańdasa, WBC týraly umyta berýine bolady», - deıdi sarapshy.
WBC prezıdenti Maýrısıo Sýleıman da Charlo men Golovkınniń kezdesýine úmit bildiretinin aıtqan bolatyn. «Charlo men Golovkın kezdesip, onyń jeńimpazy 2019 jyldyń qyrkúıeginde «Kanelomen» jekpe-jek ótkizedi dep úmittenemin», - degen edi Sýleıman.
Eske sala keteıik, qazan aıynda WBC Golovkın men Charlo arasyndaǵy jekpe-jekke saktsııa shyǵarǵan, biraq oǵan taraptardyń eshbiri qyzyǵýshylyq bildire qoımaǵan bolatyn.
