Golovkın WBA nusqasy boıynsha naýryz aıynyń úzdigi atandy
ASTANA. QazAqparat - Gennadıı Golovkın WBA nusqasy boıynsha naýryz aıynyń úzdik boksshysy atandy, dep habarlaıdy QazAqparat tilshisi.
Qazaqstandyq boksshy Golovkın (37-0, 33 KO) Búkilálemdik boks qaýymdastyǵynyń (WBA) nusqasy boıynsha naýryz aıynyń úzdik boksshysy atyndy. Bul týraly uıymnyń resmı saıty habarlady.
Esterińizge sala keteıik, orta salmaqtaǵy WBA (Super), IBO, WBC jáne IBF tujyrymdary boıynsha álem chempıony, qazaqstandyq boksshy Gennadıı Golovkın 18 naýryz kúni Nıý-Iorkte amerıkalyq Denıel Djeıkobsqa (32-2, 29 KO) qarsy jekpe-jegin ótkizgen bolatyn. Onda otandasymyz 12 raýndtyń qorytyndysy boıynsha tóreshilerdiń sheshimimen jeńiske jetken edi. Bul Golovkın úshin kásipqoı boks sharshy alańyndaǵy 37 jekpe-jek edi.
