Golovkın - Ýord jekpe-jegin uıymdastyrýshylar ortaq kelisimge kele almady
ASTANA. QazAqparat - Ortasha salmaqta kósh bastap turǵan Gennadıı Golovkın (33-0, 30 KO) men sýper dıvızıonda úzdik dep tanylǵan Andre Ýord (28-0, 15 KO) arasyndaǵy megafaıt nusqasyn pysyqtaýy kedergige tap boldy, dep jazady sports.kz.
«Roc Nation Sports» (Ýord ) pen «K2 Promotions» (Golovkın) ázirge ortaq kelisimge kelgen joq, dep naqtylady kelissóz barysy jaıly aqparattan habardar «BoxingScene» derekkózi. «Ýord Golovkınmen kelesi kezekte judyryqtasqysy keledi, alaıda 74,4 keli salmaqta bul múmkin emes», - dep málimdedi ınsaıder. Eske salsaq, Andre maýsymda uzaq úzilisten keıin rıngke qaıta oraldy. Golvkın men Ýord ekeýi de kelesi aıqastaryn kúzde ótkizýdi josparlap otyr.
