Golovkın ulymen birge hokkeıge bardy

ASTANA. QazAqparat - Qazaqstandyq boksshy Gennadıı Golovkın (37-0-1, 33 KO) AQSh-qa oraldy. Ol jaqyn kúnderi meksıkalyq Saýl Alvareske (49-1-2, 34 KO) qarsy revanshqa kelisimin berýi múmkin, dep jazady Sports.kz.

Los-Andjeleske oralǵan GGG Ulttyq hokkeı lıgasynyń (UHL) matchyna óziniń uly Vadımmen birge bardy. Vadım hokkeı sportymen aınalysady.

Buǵan deıin Golovkınniń jattyqtyrýshysy Abel Sanches Vadım týraly: «Gennadııdiń uly óte jaqsy hokkeıshi. Ol 8 jasta bolsa da, 10 jastaǵy sportshylar komandasynda óner kórsetti. Ol GGG sııaqty óte ójet sportshy»,- degen bolatyn.