Golovkın-Ýeıd jekpe-jeginiń 10 myń bıleti satyldy
ASTANA. QazAqparat - 23 sáýirde Los-Andjeleste bolatyn Golovkın-Ýeıd boks keshiniń 10 myń bıleti satyldy.
Bul týraly VKontakte jelisindegi GGG resmı toby habarlady.
Eske sala keteıik, qazaqstandyq boksshy, WBA (Super), IBO, WBC (Interim) jáne IBF nusqalary boıynsha orta salmaqtaǵy álem chempıony Gennadıı Golovkın (34-0, 31 KO) amerıkalyq Domınık Ýeıdpen (18-0, 12 KO) kezdesýge daıyndalyp jatyr. Jekpe-jek 23 sáýirde Los-Andjelestiń mańyndaǵy The Forum arenasynda ótedi. Arena syıymdylyǵy - 17 500 oryn.
Gennadıı Golovkın úshin bul kásibı kareradaǵy 35-shi jekpe-jegi bolady. Domınık Ýeıd 18 kezdesýdiń barlyǵynda jeńiske jetken. 12 qarsylasyn ýaqytynan buryn jeńgen.
«Biz ony tekseremiz, az ýaqyt qaldy, onyń osal tustaryn izdeýimiz kerek», - dedi Ýeıd suhbattarynyń birinde.
