Golovkın-Ýeıd boks keshine 14500 bılet satyldy
ASTANA. QazAqparat - Gennadıı Golovkın-Domınık Ýeıd jáne Roman Gonsales-Makvılıams Arroıo arasyndaǵy jekpe-jekter ótetin «Jeńilmegender» atty boks keshine 14500-ǵa jýyq bılet satyldy, dep jazady Sports.kz.
Bul týraly Boxingscene.com-ǵa K2 Promotions basqarýshy dırektory Tom Leffler habarlady. Ol sondaı-aq qazirgi kzede 3000-ǵa jýyq túbirtektiń qoljetimdi ekenin atap ótti.
«Oqıǵaǵa deıin eki aptaǵa jýyq ýaqyt qaldy, satylymda 3000-ǵa jýyq bılet bar. Bıletterge suranystyń joǵary bolýynan biz úlken arenany ashtyq. 17 mamyrda ótetin jekpe-jekke 3000 bılet bir aptada satylǵan, sondyqtan qalǵan taǵy 3000 bılettiń sońǵy eki aptada satylyp ketetinine senimdimiz», - dedi Leffler.
