Golovkın tıtýldyq beldikter úshin kimdermen aıqasýy múmkin

ASTANA. QazAqparat - Qazaqstandyq boksshy Gennadıı Golovkınniń (38-1-1, 34 KO) bapkeri Abel Sanches orta salmaqtaǵy álem chempıony ataǵy úshin ótýi yqtımal eki jekpe-jekke qatysty pikirin bildirdi, dep habarlaıdy QazAqparat Sports.kz saıtyna silteme jasap.

Áńgime WBA-diń «turaqty» chempıony bolyp tabylatyn Rıota Mýratamen (14-1, 11 KO) jáne dopıng-testten óte almaǵan Bıllı Djo Sonderstiń (26-0, 12 KO) aıyrylýy múmkin WBO beldigi úshin ótýi yqtımal aıqastar týrasynda bolyp otyr.

«Mýrata? Iá, múmkin. Bul aıqas týraly buǵan deıin onyń promoýteri Akıhıko Honda aıtqan bolatyn. Bul jekpe-jektiń ótýi múmkindigin joqqa shyǵarmaıtynyn aıtqan edi. Sondyqtan, ol ábden múmkin. Biraq onymen birge, dopıng-testi oń nátıje kórsetken Sonders te bar. Eger odan beldikti tartyp alatyn bolsa, biz bos turǵan tıtýl úshin aıqasa alamyz, kim biledi», - dedi Sanches.