Golovkın tıtýldy qorǵaý sany boıynsha Hopkıns rekordyn basyp ozǵysy keledi
ASTANA. QazAqparat - Worldboxingnews.net orta salmaqtaǵy álem chempıony Gennadıı Golovkınniń jattyqtyrýshysy Abel Sanchestiń aıtýynsha, qazaqstandyq 160 fýntta tıtýldy qorǵaý boıynsha Bernard Hopkınstiń rekordyn basyp ozǵysy keledi, dep jazdy Sports.kz.
Domınık Ýeıdpen jekpe-jek GGG úshin qatarynan 16-shy ret chempıondyq beldikti qorǵaý bolady. Osylaısha, Gennadıı bıografııasynda orta salmaqta shyqqan ýaqytynda 20 aıqasy bolǵan Bernard Hopkınstiń rekordyna jaqyndap qaldy.
«Hopkınstiń rekordyn basyp ozý Gennadııdiń qyzmettik tizimi úshin tamasha bolar edi. Ýeıd - bizdiń kelesi qadamymyz. Biz saqadaı-saı daıyndyqty josparlaýdamyz», - dedi Sanches.
