Golovkın tıtýl úshin aıqasatyndyǵyn resmı jarııalady

NUR-SULTAN. QazAqparat – Álemniń eks-chempıony qazaqstandyq Gennadıı Golovkın óziniń tıtýl úshin aıqasatyndyǵyn resmı jarııalady, dep habarlaıdy Sports.kz.

«7 qazanda óte tamasha jekpe-jek bolady. Árqashan rıngke shyqqan saıyn men óz fanattarym kórgisi keletin aıqas ótkizýge tyrysamyn. «Big Drama Show» rıngke qaıta oralatyn bolady»,-dep jazdy Golovkın óziniń Twitter-akkaýntynda.

Qazaqstandyq boksshy ýkraındyq Sergeı Derevıanchenkomen IBF tıtýly úshin judyryqtasady. Jekpe-jek qazan aıynda Nıý-Iorktegi «Medıson Skver Garden» arenasynda ótedi.

Eske sala ketsek, munyń aldyndaǵy aıqas ta Nıý-Iorkte bolǵan edi. Ol joly qazaqstandyq kanadalyq Stıv Rollsti tórtinishi raýndta nokaýtqa túsirdi.