Golovkın Stıvenske qarsy sharshy alańǵa shyqqany úshin 400 000 dollar alady
ASTANA. 1 qarasha. QazAqparat - WBA nusqasy boıynsha orta salmaq dárejesinde álem chempıony bolyp tabylatyn Qazaqstan boksshysy Gennadıı Golovkınge amerıkandyq Kertıs Stıvenspen kezdesýi úshin 400 000 dollar tólenedi.
Amerıka boksshysy osy jekpe-jek úshin 290 000 AQSh dollaryn alady, dep habarlaıdy Vesti.kz.
Boks keshinde óner kórsetetin basqa da qatysýshylarǵa gonorarlar kelesideı tólenedi: Magomed Abdýsalamov (40 myń dollar) - Maık Peres (30 myń dollar), Ola Afolabı (20 myń dollar) - Lýkash ıAnık (20 myń dollar).
Eske sala keteıik, Golovkın jáne Stıvens arasyndaǵy jekpe-jek 3 qarasha kúni Nıý-Iorkte Madison Square Garden arenasynda ótedi. Bastalýy Astana ýaqyty boıynsha saǵat 7:00-ge josparlanǵan. Jekpe-jekti KazSport telearnasy tikeleı efır arqyly kórsetpek.
Qazaqstandyq boksshy 30 maýsymda ótken óziniń sońǵy kezdesýinde brıtandyq Mettıý Maklındi eseńgiretip, WBA nusqasy boıynsha álem chempıony ataǵyn qorǵap qalǵanyn aıta ketken jón. Al Stıvens 4 tamyzda ótken jekpe-jektiń birinshi kezeńinde-aq meksıkalyq Saýl Romandy tize búktirdi.
Golovkın kásipqoı retinde sharshy alańda ótkizgen 27 kezdesýiniń barlyǵynda jeńiske jetti, sonyń ishinde 24-inde qarsylasyn nokaýtqa jiberdi. Stıvens 25 kezdesýde (18 - nokaýtpen) jeńis toıyn toılap, úsh ret jeńilistiń aşy dámin tatqan.
