Golovkın sońǵy onjyldyqtaǵy úzdik boksshylardyń bestigine endi

NUR-SULTAN. QazAqparat – Boxingscene.com saıty sońǵy onjyldyqtaǵy myqty 20 boksshy reıtınginiń birinshi bóligin usyndy. Oǵan orta salmaqtaǵy qazaqstandyq boksshy Gennadıı Golovkın endi, dep habarlaıdy QazAqparat Sports.kz saıtyna silteme jasap.

GGG meksıkalyq boksshy Saýl «Kanelo» Alvares, amerıkalyq Floıd Meıvezer jáne taǵy bir amerıkalyq Terens Kroýfordtan keıingi tórtinshi orynǵa jaıǵasty.

«Qazaqstandyq boksshy ala almaǵan orta salmaqtaǵy eki marapat bar: WBO belbeýi men jelilik chempıon táji. Golovkınniń birinshisin jeńip alýǵa eshqashan múmkindigi bolǵan joq. Kópshilik áli kúnge deıin Saýl Alvarespen birinshi aıqasta ekinshi tıtýldy Golovkın alýy kerek edi dep esepteıdi. Golovkınge synshylar qanshama juldyzdy qarsylas usynsa da, ol TOP-10-daǵy boksshylarmen aıqasqysy keldi. Marvın Hagler men Bernard Hopkıns te dál osylaı jasaǵan edi.

Golovkın myqty bedelge ıe bola otyryp, 18 nokaýtpen dekadany bastady. Aqyrynda ol jalǵyz sanattaǵy tórt basty tıtýldyń úsheýin biriktirgen álem chempıony atanyp, ony óziniń «úıi» dep atady», - delingen materıalda.